Одржана Шеста седница на Совет за развој на Источен плански регион

На ден 20.07.2018 година се одржа Шестата Седница на Советот за развој на Источен плански регион во општина Берово.

Повеќе...

Воспоставено координативно тело за развој на туризмот во Источен плански регион

На 11 јули 2018 година во просториите на општина Штип се одржа иницијалниот состанок на координативното тело за развој на туризмот во Источен плански регион.

Потребата од формирање на вакво координативно тело произлезе од изработената Стратегија за развој на туризмот во Источен плански регион со Акционен план 2015-2026 година, а формирањето е поддржано преку Програмата за зачувување на природата во Македонија – проект на Швајцарската агенција за развој и соработка.

Повеќе...

Потпишан Договор за реализација на проекти за развој на плански региони за 2018 година

На 9 јули 2018 година во просториите на Владата на Република Македонија, беше потпишан Договор за реализација на проекти за развој на планските региони за 2018 година. Проектите се финансирани од Програмата за рамномерен регионален развој на Министерството за локална самоуправа и Бирото за регионален развој, во вкупна вредност од 196 милиони денари.

Повеќе...

Одржана Петта седница на Совет за развој на Источен плански регион

На ден 25.04.2018 година се одржа Петтата Седница на Советот за развој на Источен плански регион во Општина Пробиштип.

На Седницата беше донесена одлука за давање согласност за отпочнување на процедура за прогласување на заштитени подрачја Осоговски Планини и Ченгино Кале во Источниот плански регион. На донесувањето на оваа одлука претходеше кратка презентација од страна на претставници од Македонското еколошко друштво, кои ги потенцираа најважните придобивки на ваквите подрачјата, како и за чекорите кои што следат понатаму во процесот на прогласување на заштитено подрачје.

Повеќе...

Одржана Четврта седница на Совет за развој на Источен плански регион

На ден 05.03.2018 година се одржа Четвртата Седница на Советот за развој на Источен плански регион во Општина Делчево.

На Седницата беа усвоени завршните сметки за работата на Центарот за развој на Источен плански регион, како и на сметките на проектите кои се реализираа во текот на 2017 година.

Повеќе...

„Проект за подобрување на болничката средина на ЈЗУ Клиничката болница Штип преку набавка на амбулантни возила“

Центарот за развој на Источен плански регион како имплементатор на „Проект за подобрување на болничката средина на ЈЗУ Клиничката болница Штип преку набавка на амбулантни возила“, од грант на Јапонска амбасада обезбеди две амбулантни возила за ЈЗУ Клиничка болница Штип. Набавката на двете амбулантни возила FIAT NEW DOBLO 1.3 Multijet Amb. ќе овозможи обнова на возниот парк на клиниката со соодветни медицински опремени возила. Со тоа целиот процес на транспорт и нега кај пациентот ќе биде на повисоко ниво. Со помош на новите возила ќе се зголеми безбедноста и удобноста на пациентите од Источниот плански регион, особено при транспортот на клиниките во Скопје, но и на специјализираните клиники во Охрид, Битола и Прилеп.

Повеќе...

Одржана Третта Седница на Советот за развој на Источен плански регион

На ден 26.12.2017 година во општина Виница се одржа Треттата Седница на Советот за развој на Источен плански регион.

На Седницата се усвои Финансискиот план на Центарот за развој на источен плански регион за 2018 година и се донесе Годишниот Акционен план за 2018 година за спроведување на Програмата за развој на Источниот плански регион 2015-2019.

Повеќе...