Работилница во рамки на проектот „Изработка на студија за определување на статусот на пасиштата на територијата на ИПР“

На 29-ти септември, 2016 година, во Хотел „Изгрев”- Штип, се оддржа Работилница во рамки на проектот „Изработка на студија за определување на статусот на пасиштата на територијата на Источен плански регион“.

Студијата треба да се содржи соодветни податоци и информации кои треба да му помогнат на Источниот плански регион и соодветните институции на национално ниво во идното планирање на развојот на сточарството во регионот и подобрување на регионалниот и локалниот одржлив развој за кој покрај економската и социјалната компонента треба да биде задоволена и компонентата за зачувување на природата и особено, биодиверзитетот преку  дефинирање на начините на негово одржливо користење.

Повеќе...

Потпишување на договор за Изградба на пристапен / локален пат од регионален пат Р-601 до село Вртешка, Црква Св.Ѓорѓи

На 21-ви септември 2016 година, Центарот за развој на Источен плански регион го потпиша Договорот за Изградба на пристапен / локален пат од регионален пат Р-601 до село Вртешка, Црква Св.Ѓорѓи (планинарски дом Вртешка) ФАЗА 1 (од ст.0+000.00 до 1+300.00).

Повеќе...

Промоција на Регионална Стратегија за Иновации за Источен плански регион

На 20-ти септември, 2016 година, во Хотел „Изгрев”- Штип, се оддржа информативен настан со приватниот сектор од Источен плански регион, општините од Источен плански регион и останатите заинтересирани чинители на тема: Промоција на Регионална Стратегија за Иновации за Источен плански регион.

Во рамките на проектот „Одржлив и инклузивен регионален економски развој во Македонија, спроведуван од страна на ГИЗ (Германско друштво за меѓународна соработка), се изработи Регионална Стратегија за Иновации за дефинирање на приоритетите за регионални иновации и иновативниот потенцијал на регионот.

Целта на регионалната стратегија за иновации е да се стимулираат иновациите, претприемништвото и подобра искористеност на иновативниот потенцијал на регионот, преку зајакнување на соработката помеѓу истражувачките центри и бизнис заедницата, притоа фокусирајќи се на развојот на МСП.

Повеќе...

СООПШЕНИЕ НА МИНИСТЕРСТВОТО ЗА ФИНАНСИИ ВО ВРСКА СО ЈАВНИОТ ПОВИК ЗА ВТОРИОТ ПРОЕКТ ЗА ПОДОБРУВАЊЕ НА ОПШТИНСКИТЕ УСЛУГИ (МСИП2)

7 септември 2016 - Министерството за финансии денеска објави јавен повик до општините за да аплицираат за средствата за Вториот проект за подобрување на општински услуги -МСИП 2. Средствата кои се во износ од 25 милиони евра се обезбедени преку Светска банка и истите се наменети за капитални проекти во општините со кои ќе се подобрат условите за живеење.

Условите под кои општините ќе можат да аплицираат за средства од проектот се исклучително поволни - рок на отплата до 13 години со вклучен грејс период до 3 години и каматна стапка која е еднаква на каматата што ја плаќа Република Македонија кон Светска банка, односно  6-месечен Еурибор.

Средствата од проектот ќе се алоцираат по принцип "прва пријавена - прва услужена општина" врз основа на одобрена техничка документација во согласност со критериумите од проектот.

Краен рок за доставување на апликациите од општините е два месеци од денот на објавување на повикот, односно најдоцна до 7  ноември 2016 година.

Во рамки на средствата кои ги има одобрено Светска банка за проектот МСИП 2, освен за заеми за капитални проекти, предвидени се и средства за грантови за општините за инвестирање во подобрување на инфраструктурата во посиромашните и маргинализирани делови во нивна надлежност, како и средства за техничка поддршка на општините.

МСИП 2 претставува продолжение на Проектот за подобрување на општински услуги МСИП 1, кој беше во износ од 56 милиони евра. Со средствата од МСИП 1 се поддржани 68 капитални проекти во 53 општини. Станува збор за локални патишта, водоводи, училишта, детски градинки и други капитални проекти кои имаат за цел да го подобрат животот во тие општини.

Преземете го Барањето за користење на средства од Вториот МСИП на овој линк.

Линк до објавениот повик (кликни тука).

Презентација на проектот за „Подобрување на општинските услуги”

На 15-ти септември, 2016 година, во организација на Центарот за развој на Ценатрот за развој на Источен плански регион а со поддршка од страна на Министерството за локална самоуправа на Република Македонија во „Еуро Хотел Градче“ - Брана Градче, Општина Кочани, се одржа информативен настан за “Вториот Проект за подобрување на општинските услуги финансиран со заем од Меѓународната Банка за обнова и развој (Светска банка)”.

 На настанот покрај градоначалниците од регионот, одговорните лица од јавните комунални претпријатија и општинитеприсуствуваше и Министерот за локална самоуправа г-ѓа Ширет Елези.

Претставниците на Светска банка ги презентираа условите за поволно кредитирање на општините за реализација на инфраструктурни проекти наменети за подобрување на комуналните услуги во општините.

Повеќе...

Mинистерката Елези, градоначалниците од Источниот, Југоисточниот и Вардарскиот плански регион и Центрите за развој, во посета на Австрија, Словенија и Хрватска

Македонската делегација од градоначалници и раководители на Центрите за развој од Источниот и Југоисточниот плански регион, предводена од министерката за локална самоуправа Ширет Елези, од 05.09.2016 (понеделник) до 09.09.2016 (петок) престојуваaво посета на општини и регионални развојни агенции во Австрија, Словенија и  Хрватска.

Министерката за локална самоуправа Ширет Елези во рамките на посетата на Австрија, оствари средба со локалните власти на Грац и со претставници на регионот Штаерска.

Министерката Елези во тек на посетата оствари средба и со градоначалниците  на  Велика Полана, Кршко и Јастребарско.

Посетата е организирана од страна на Центарот за развој на Источниот и Југоисточен плански регион.

Повеќе...

Претседателот на ВМРО-ДПМНЕ Никола Груевски во посета на мултимедијалниот центар „Креатива“ во Штип

Претседателот на ВМРО-ДПМНЕ Никола Груевски го посети мултимедијалниот центар „Креатива“ и неколку спортски објекти во Штип каде што за три години  се изградени 16 спортски објекти и остварисредби со жителите на општина Штип.

Вкупната инвестиција на центарот „Креатива“ е во вредност од 484.302,14  евра од кои 149.320,29 евра се од ИПА фондовите добиени преку гранична соработка со Народно Читалиште „П.Р.Славејков-1938“ с.Брезница. Општина Штип кофинансираше 186.761,85 евра.

Во мултимедијалниот центар, изграден на местото на старото летно кино во Штип, како што рече градоначалникот Илчо Захариев во разговорот со Груевски, ќе биде сместено 3Д киното, кластерот за креативна индустрија на Источно планскиот регион, канцелариите на Центарот за развој на Источно планскиот регион, а има и конференциска сала, како и сала за културно уметнички настан.

Повеќе...