Јавен повик за поддршка на старт-ап бизниси за развој на еко-туризам и промоција на Источен плански регион како туристичка дестинација

Референтен број  05-287/2

Центарот за развој на Источен плански регион објавува повик за млади невработени лица со постојана адреса на живеење во општините во рамки на Источниот плански регион, кои имаат претприемнички дух и визија за започнување на сопствен бизнис.

Целта на Јавниот повик е да се зајакне соработката со приватниот сектор преку поддршка на старт-ап бизнис идеи поврзани со развој на еко туризам и промоција на регионот како туристичка дестинација, во согласност со Стратегијата за развој на туризам во Источен плански регион со Акционен план 2016-2025).

Постапката за избор на бизнис идеите ќе се одвива во фази. Во првата фаза заинтересираните апликанти електронски треба да ги достават концептите за бизнис идеи, со краток опис на бизнис идејата, локацијата каде истата ќе се реализира, како и потенцијалните корисници на услугата или производот кој се предложува.

За најдобрите бизнис идеи ќе се овозможи техничка поддршка (обука за подготовка на бизнис план и водење на бизнис). Селектираните апликанти заедно со експертите ќе разработат бизнис план и детален опис на бизнис идејата.

Во втората фаза на селекција ќе бидат избрани 15 разработени бизнис планови кои ќе добијат финансиска поддршка за реализација.

За да бидат подобни за финансирање, предложените бизнис идеи мора да се реализираат на територијата на Источниот плански регион.

Јавниот повик е отворен до 30.08.2019 година до 14 часот, до кога сите заинтересирани апликанти треба да ги поднесат своите бизнис концепти до Центарот за развој на Источен плански регион.

Реализацијата на бизнис идеите во рамките на овој Јавен повик се поддржани од Програмата за зачувување на природата во Северна Македонија - фаза 2, проект на Швајцарската агенција за развој и соработка (SDC).

Вашите бизнис идеи можете да ги поднесете тука.

Повеќе информации за Јавниот повик можете да најдете на следниот линк.

Воспоставување на етно-еко парк во општина Чешиново-Облешево

Центарот за развој на Источен плански регион во соработка со Општина Чешиново-Облешево продолжува со спроведување на активности преку Програмата за зачувување на природата во Македонија, проект на Швајцарската агенција за развој и соработка.

Повеќе...

Eднодневна регионална Koнференција „Партнерство за забрзана децентрализација, инклузивен и одржлив развој“

Еднодневната регионална Конференција„ Партнерства за забрзана децентрализација, инклузивен и одржлив раст“ се одржа на 7-ми јуни во хотел Оаза Штип.

Во рамки на проектот „Унапредување на општинското владеење“ финансиран од Европска Унија, а имплементиран од УНДП во партнерство со Министерство за локална самоуправа и Министерство за финансии се организираа три регионални конференции со цел да се отвори дискусија за прашања поврзани со децентрализација и локалниот развој.

Повеќе...

ЈАВЕН ПОВИК ЗА ПРЕДЛОЗИ НА ЗДРУЖЕНИЈА ЗА ИМПЛЕМЕНТИРАЊЕ НА ПРОЕКТИ ЗА ОДРЖЛИВО КОРИСТЕЊЕ НА ПРИРОДНИТЕ РЕСУРСИ ВО СЛИВНОТО ПОДРАЧЈЕ НА РЕКА БРЕГАЛНИЦА

Референтен број 05-229/2

Центарот за развој на Источен плански регион објавува повик за учество на Здруженија кои се регистрирани во хидролошкото сливно подрачје на реката Брегалница согласно Законот за здруженија и фондации, кои имаат активен статус и имаат претходно искуство во спроведување на проектни активности во областа на одржливо управување со природните ресурси.

Целта на Јавниот повик е преку реализација на проекти да се поттикне одржливо користење на природните ресурси во регионот, односно кон воспоставување и практикување на одржливо користење на геодиверзитетот, геонаследството, биолошката и пределската разновидност, преку употреба на традиционани знаења, иновации, најдобри практики.

За да биде подобен за финансирање, предложениот проект мора во целост да се реализира во област која физички е дел од хидролошкото сливно подрачје на реката Брегалница.

Јавниот повик е отворен до 03.07.2019 година до 15 часот, до кога сите заинтересирани апликанти треба да ги достават потребните документи до просториите на Центарот за развој на Источен плански регион.

Реализацијата на проектните концепти од овој Јавен повик се поддржани од Програмата за зачувување на природата во Северна Македонија - фаза 2, проект на Швајцарската агенција за развој и соработка (SDC).

Документи за аплицирање (Пријава за грант, Концепт за јавен повик за предлози за мали проекти, Буџет)

Работилница за идентификација на проектни идеи / концепти за Иновативен проект во рамки на проектот „Оддржлив и инклузивен рамномерен регионален развој“

Бизнис Центарот при Центарот за развој на Источен  плански регион преку проектот „Одржлив и инклузивен рамномерен регионален развој“, одржа работилница за идентификација на проектни идеи / концепти за иновативен проект. Работилницата се одржа на ден  24.04.2019 година (среда)  во Х. Изгрев со почеток од 11 часот.

Повеќе...

Презентација на 16те одобрени проекти во рамки на грантовата шема за инвестициските и иновативните проекти и потпишување на договорите за истите

Министерството за локална самоуправа преку проектот  „Одржлив и инклузивен рамномерен регионален развој“ организираше  настан за презентација на 16те одобрени проекти во рамките на  грантовата шема за инвестициските проекти и грантовата шема за иновативните проекти на 27 мај, 2019г. (понеделник) во просториите на Х. Мериот Скопје. На овој настан имаше презентации на 16-те одобрени проекти во рамките на грантовата шема за инвестициските проекти и грантовата шема за иновативните проекти.

Повеќе...

Инфо сесија за презентација на Инструментот за кофинансирани грантови за комерцијализација на иновации.

Фондот за иновации и технолошки развој заедно со Центарот за развој на Источeн плански регион и Регионална стопанска комора, организираа инфо сесија за презентација на Инструментот за кофинансирани грантови за комерцијализација на иновации.

Информативната сесијата се одржа на 22.04.2019 година (понеделник) со почеток во 11:00 ч.

Повеќе...

Потпишан договор за реализација на проект „Изградба на дел од ул. „1“ во Индустриска зона „Чуката“ во Пехчево“

На 22 март 2019 година во просториите на Центарот за развој на Источен плански регион се потпиша договорот со избраниот најповолен понудувач Стоименов ДОО Кочани за реализација на проектот „Изградба на дел од ул. „1“ во Индустриска зона „Чуката“ во Пехчево“.

Повеќе...

Трета форумска сесија од програмата „Регионални форуми во заедницата“, одржана на 06.03.2019 (среда) во рамките на проектот „Одржлив и инклузивен рамномерен регионален развој“

Третата форумска сесија под наслов “ЗАЕДНО ГО РАЗВИВАМЕ НАШИОТ РЕГИОН”, се одржа на 06.03.2019 година (среда) во хoтел „Изгрев“ во општина Штип. Центарот за развој на Источен плански регион во соработка со Швајцарската Агенција за развој и соработка и Министерството за локална самоуправа започна со идентификација на проектни идеи во рамките на проектот “Одржлив и инклузивен рамномерен регионален развој 2018-2020“, финансиран од страна на Министерството за локална самоуправа и Владата на Швајцарската Конфедерација.

Повеќе...

Страница 2 од 31