Од страна на УНДП и Министерство за локална самоуправа се имплементира проектот ,,Иновативни решенија за подобар пристап до услуги на локално ниво”, во рамките на кој ќе се врши мапирање на потенцијалите за развој на туризмот во рамките на Источен плански регион.

На ден 29-ти септември 2017 година (петок), во  хотел „Изгрев“ во Штип  Центарот за развој на Источен плански регион организираше работилница за изготвување на Регистар на потенцијалите за развој на руралниот туризам во ИПР.

Согласно Договорот за соработка во 2017 година помеѓу Министерството за локална самоуправа и единиците на локалната самоуправа од Источниот плански регион, основачи на Центарот за развој на Источниот плански регион, Центарот за развој на на Источниот плански регион изработи Каталог на реализирани проекти за период од 2008-2016 година.

За таа цел на 03.10.2017 година (вторник) во хотел Изгрев во Штип се одржа Јавна презентација на Каталогот на реализирани проекти.

Врз основа на член 22 и член 23 од Законот за работни односи (Пречистен текст ''Сл. Весник на РМ'' бр.167/15 и 27/16), член 7 став 1 алинеја 4 од Одлуката за основање на Центарот за развој на Источниот плански регион, а во врска со Договор за заедничко спроведување на Проект бр.0802-36/2 од 03.02.2017 година склучен помеѓу Центар за развој на Источен плански регион и Фармахем ДООЕЛ Скопје и Одлука бр.0401-279/1 од 21.09.2017 година, Центарот за развој на Источен плански регион, објавува

ОГЛАС за вработување на Координатор на активности поврзани со еко туризам на Проект ,,Програма за зачувување на природата во Македонија (ПЗП) – фаза 2” во Центарот за развој на Источен плански регион - 1 извршител на определено време од 6 (шест) месеци

Покрај општите услови за вработување предвидени со Законот за работни односи (да е државјанин на Р.Македонија, да е полнолетен, да не му е изречена казна- забрана за вршење на професија, должност или дејност) кандидатите треба да ги исполнуваат и следните посебни услови:

• Завршено VII / 1 степен на образование, односно сегашен VIA степен на високо образование со кој се стекнуваат 240 ЕКТС кредити;
• Минимум 3 (три) години работно искуство во управување/учество на проекти од областа на туризам;
• Солидно познавање на англиски јазик;
• Познавање на работа со компјутери;
• Поседување возачка дозвола (категорија Б);
• Одлични комуникациски вештини, капацитет за анализа на комплексни прашања од областа на туризмот, прецизност, самоиницијативност, како и желба за тимска работа и постојано усовршување.

Работникот ќе работи на спроведување на проектните активности на Проектот ,,Програма за зачувување на природата во Македонија (ПЗП) – фаза 2” како Координатор на активности поврзани со еко туризам . Лицето ќе биде одговорно за развој и координација на активности поврзани со регионалниот туризам во ИПР. Лицето ќе биде ангажирано за координација на активностите од ПЗП поврзани со “environmentfriendly” туризам, координација на координативното тело за туризам на ИПР, реализација и следење на активности предвидени во Стратегијата за развој на туризмот во ИПР со акционен план (2016 -2025), комуникација со засегнати страни, учество во планирање и известување, промоција на активностите и сл.

Огласот е отворен 10 (десет) работни дена од денот на објавувањето, сметајќи го и денот на објавувањето.

Работодавачот ќе изврши избор во рок од 21 работен ден по истекот на рокот за пријавување.

Заинтересираните кандидати да достават документи со кои ќе докажат дека ги исполнуваат условите наведени во огласот заедно со Мотивационо писмо за работа и CV.

Работни часови неделно: 40; Работно време од 08:00 до 16:00; Работни денови: од понеделник до петок.

Основна нето плата: 26.000,00 денари

Пријавите за вработување со потребните документи да се достават до Архивата на: Центар за развој на Источен плански регион, на адреса ул.``Ванчо Прќе`` бр.119, кат 2, 2000 Штип,

лице за контакт: Драгица Здравева тел: 032/386-408.

Кандидатите кои ќе достават навремени и комплетни документи со кои докажуваат дека ги исполнуваат условите од Огласот ќе бидат селектирани и повикани на Интервју.

Центар за развој на Источен плански регион
Раководител
Драгица Здравева

Покана за работилница во рамките на проектот: ,,Иновативни решенија за подобар пристап до услуги на локално ниво”, во рамките на кој ќе се врши мапирање на потенцијалите за развој на туризмот во рамките на Источен плански регион

29-ти септември, 2017 година, х.Изгрев, Штип, 09:30 - 15:30 часот

Почитувани,

Од страна на УНДП и Министерство за локална самоуправа се имплементира проектот ,,Иновативни решенија за подобар пристап до услуги на локално ниво”, во рамките на кој ќе се врши мапирање на потенцијалите за развој на туризмот во рамките на Источен плански регион. Во рамките на оваа активност за Источниот плански регион ќе биде изготвен Регистар на потенцијалите за развој на руралниот туризам.

Ве покануваме да присуствувате на работилницата кој ќе се одржи на 29-ти септември, 2017 година во Х.Изгрев во Штип, со почеток во 09:30 часот. Заинтересираните претставници би ги претставиле своите резултати, би дале насоки, и би ги прегледале најважните прашања од регистарот.

Главна цел на проектот е да му овозможи на МЛС, како координатор и надгледувач на прашањата поврзани со децентрализацијата и локалното владеење, да ги унапреди понатамошните напори во промовирање на локално владеење насочено кон граѓанинот, започнувајќи од мерење на задоволството на граѓаните до предлагање на конкретни мерки за подобро учество на локално ниво и подобар пристап до услуги.

Проектните интервенции директно ги поддржуваат сите 8 плански региони во Р.М.

Развивањето на Регистрите на потенцијали за рурален туризам се реализира во рамки на проектната компонента која се однесува на развојот и поддршката на руралниот туризам за заживување на економскиот развој и изнаоѓање на нови начини за развој на руралните општини, како и враќање на населението во селата.

Целни групи се: претставници од општините, МСП, претприемачи, здруженија на граѓани и фондации, занаетчии, трговци, членови на кластери, НВО, туристички агенции и водичи, хотелиери, асоцијации на фармери, земјоделци, ловџии и останати засегнати страни.

Бројот на учесници е ограничен поради што Ве молиме најдоцна до 28-ми септември до 12:00 часот да го потврдите Вашето присуство на Оваа е-адреса е заштитена од спамботови. Треба да ви е овозможено JavaScript за да ја видите. и Оваа е-адреса е заштитена од спамботови. Треба да ви е овозможено JavaScript за да ја видите..

За дополнителни информации контакт тел е: 070/602-266.

Агендата за настанот заедно со формулар за пријавување преземете ги од овој линк (кликнете тука).

Со почит,
Центар за развој на Источен плански регион
Раководител
Драгица Здравева

На 6 септември 2017 година во Хотел Александар Палас во Скопје се одржа Конференција за „Политиките за рамномерен регионален развој“ која претставува завршен настан на проектот „Алијанса за регионален развој“, спроведуван од Форум - Центар за стратешки истражувања и развој, Скопје и Младински инициијативи за дијалог и соработка, Битола.

Програмата за зачувување на природата во Македонија, фаза 2, проект финансиран од страна на Швајцарската агенција за развој и соработка, а  координиран од Фармахем‐Скопје во којшто стратешки партнер е Центарот за развој на Источен плански регион и 11-те општини од регионот и Македонско еколошко друштво, имплементирачки партнер на ПЗП, на ден 31-ви август 2017 година (четврток), во  хотел „Изгрев“ во Штип  организираа работилница со цел  развој на три различни сценарија за заштитени подрачја во сливот на река Брегалница.Една од главните активности е воспоставување на заштитени подрачја во сливот на река Брегалница.

Деновиве беше извршено воведување во работите за изградба на спомен-обележјето на местото на загинувањето на Никола Карев – Свиланово.

Градежните работи ќе ги извршува „Евроградба Инженеринг“ ДООЕЛ с.Владиевци, Василево. Изведувачот е избран преку Центарот за развој на Источен плански регион, а надзорот е на „Венци Проект“ ДООЕЛ Кочани.

 Центарот за развој на Источен плански регион во соработка со Регионалната администрација Благоевград, во рамки на проектот ГРЕЕН од 06-07 Јули 2017 година во “Еуро Хотел Градче”-Брана Градче, организираа дводневна обука на тема “Климатски промени” дел од “Програмата за јакнење на капацитетите за климатски промени“. На обуката учество зедоа вкупно 40 учесници од општините во состав на Источниот плански регион и регионот Благоевград.

На 05.07.2017 година во просториите на Центарот за развој на Источен плански регион, г-дин Емил Василев изврши презентација пред вработените во Центарот од учеството на  обуката „Управување со катастрофи поврзани со води (подготвеност, ублажување и реконструкција)“ , J1704034. ("Water Related Disaster Management (Preparedness, Mitigation and Reconstruction)", J1704034). Обукта беше организирана од страна на JICA (Јапонска агенција за меѓународна соработка). Истата се одржа во периодот од 14.05 – 10.06.2017 година во Токио, Нагоја и Tsukuba – Japonija.