Skip to content

Потпишан Договор за Изработка на Техничка документација за изградба на патишта и паркинг простори во СРТЦ ПОНИКВА

ДАТУМ

јуни 4, 2015

Категории

На 28 мај 2015 година, Центарот за развој на Источен плански регион го потпиша Договорот за Изработка на Техничка документација за изградба на патишта и паркинг простори во Спортско Рекреативен Туристички Центар ПОНИКВА во рамките на проектот Изградба на патишта и паркинг простор во СРТЦ Пониква и “Осогово”-препознатлива туристичка дестинација и регионален планински центар-до мобилност и комуникација со изградба на жичари и ски лифтови за вертикален транспорт.

Проектот е финансиран од Европската Унија а управуван од страна на Германското Друштво за меѓународна соработка (ГИЗ), Програма за регионален економски развој во Македонија.

Фирмата која ќе работи на Изработка на Техничка документација за изградба на патишта и паркинг простори во Спортско Рекреативен Туристички Центар ПОНИКВА е ДГ “Сивил Инженеринг” ДОО – Скопје.

Реализацијата на овој проект води кон создавање на услови за динамичен и оддржлив развој на Cки туризмот во Источниот плански регион. Со проектот се предвидени:

За Општина Пробиштип:

  • Сообракајници:
    • Шест асфалтирани пристапни улици со вкупна должина од 2.855 м со широчина од 7,9 м (двострани тротоари);
    • Поплочени пристапни патеки во должина од 1.950 м и широчина од 3 м;
  • Стационарен сообраќај:
    • Шест свртувалишта за возила со вкупна површина од 786 м2;
    • Автобуска постојка со придружен објект за сервисни услуги за скијачка опрема: со 25 паркиралишта за автомобили и 9 паркиралишта за автобуси, со вкупна површина од 2.5 ха;
    • Паркиралишта Арамиска чешма со површина од 3.400 м2;
    • Паркиралишта спроти одморалиштето на МВР со површина од 440 м2.

За Општина Кочани:

  • Сообраќајници:
    • Десет асфалтирани пристапни улици со вкупна должина од 6.000 м, со ширина на коловоз 6 м и двострани тротоари со ширина по 2м;
    • Пристапни патеки со вкупна должина од 749 м2 со ширина од 2,5 м;
  • Стационарен сообраќај:
    • Паркиралишта со површина од 5.550 м2;
    • Паркиралиште кај аеродром со површина од 3.200 м2.

Изградбата на современа и квалитетна инфраструктура во СРТЦ Пониква, игра значајна улога во создавањето на услови за подолг престој и зголемување на бројот на домашни и странски туристи. Центарот за развој на Источен плански регион уште од почетокот на своето постоење работи интензивно на создавање на услови за поинтензивен и динамичен развој на регионот и подобрување на квалитетот на живот на граѓаните со посебен акцент на СРТЦ Пониква да добие физиономија на уредена туристичка населба.

Крајниот рок за извршување на услугата е  07 септември 2015 година.

Споделeте:

Share on email
Email
Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp
Share on telegram
Telegram

No comment yet, add your voice below!


Add a Comment

Вашата адреса за е-пошта нема да биде објавена. Задолжителните полиња се означени со *

I accept the Privacy Policy