The agreement for realization of the project “Better infrastructure for better services – Creating a traffic solution for overcoming the traffic jam in the East Planning Region” was signed in Stip

На 12 јуни 2020 година, во просториите на општина Штип се потпиша Договор помеѓу Центарот за развој на Источен плански регион и Коле транс од Штип за изведба на работите за проектот „Подобра инфраструктура за подобри услуги – Креирање на сообраќајно решение за надминување на сообраќајниот метеж во Источен плански регион“ во Штип.

Со реализацијата на овој проект ќе се изгради платформа над река Отиња која ќе служи за паркирање на возила. Со изградбата на платформата ќе се ослободат коловозните ленти на двете страни од реката кои сега служат за паркирање, а со самото тоа ќе се зголеми и протокот на сообраќај до Клиничка болница – Штип, Свр Штип, Основно и Вишо Јавно обвинителство, Основен и Апелационен суд и останати регионални институции.

Вредноста на договорот изнесува 17.749.311,00 денари од кои 9.000.000,00 денари се од средствата предвидени со Програмата за регионален развој за 2020 година, а остатокот од 8.749.311,00 денари се кофинансирање на оштина Штип.