На 19.12.2012 година се одбележа Денот на градот „19 декември-Свети Никола“ , Патронот и воедно заштитник на градот Штип, како и „Промотивен ден на Источниот плански регион“.
Согласно програмата за одбележување, се започна со архиерејска литургија во соборниот храм „Свети Никола“ по што следеше Литија на релација: Соборен храм „Свети Никола“-ул„Маршал Тито“ до градскиот плоштад.
Во малата сала на Општина се оддржа и Туристичка промоција на Источниот плански регион и Центарот за развој на ИПР, на која беа промовирани промотивни материјали изработени како дел од проектот „Регионален Маркетинг“, финансиран од страна на ГИЗ РЕД Програмата за регионален развој во Р.Македонија. Промовирана беше Туристичка мапа и Туристичка брошура на Источниот плански регион. Исто така пред присутните беше презентиран видео спотот „Сврти на исток“ како дел од проектот, во кој се претставени туристичките потенцијали и убавини на сите 11 општини од Источниот плански регион.
No comment yet, add your voice below!