Советот за развој на Источен плански регион, на ден 25.04.2025 година, во Општина Штип, ја одржа дваесет и втората Седница.
На седницата, Советот му го верификува мандатот на членот на Советот за развој на Источен плански регион Г-дин Венко Крстевки – вршител на должноста Градоначалник на општина Кочани.
Советот донесе и Заклучок, до Владата на Република Северна Македонија да достави Иницијатива за обезбедувањето на противпожарно возило за потребите на Територијална противпожарна единица – Кочани.
Советот дискутираше и за актуелниот проблем во врска со бавната динамика за изградба на регионалната депонија и во врска со спроведување на Одлуката за начинот на работа и постапување со постојните локации за отстранување на отпад и определување на временски те локации за отстранување на отпад до периодот на изградба на регионалната депонија за Источниот и Североисточниот регион.
Советот ги донесе и следниве Одлуки:
- Одлука за предавање во сопственост и владение на возило со вградена пристапна рампа за потребите на Домот за стари лица „Др. Иван Влашки“ во Берово;
- Одлука за предавање во сопственост и владение на набавени, инсталирани и монтирани автоматски дизел електрични агрегати за Домот за стари лица Др.Иван Влашки Берово;
- Одлука за предавање во сопственост и владение на набавена и монтирана медицинска опрема – медицински помагала, тоалетни држачи за корисниците на Домот за стари лица Др.Иван Влашки Берово.
Галерија
No comment yet, add your voice below!