Учество на KICK-OFF MEETING за проект: PROTECH 2024

Центарот за развој на Источен плански регион – Штип, започна со реализација на проектот: Превентивни пристапи во конзервацијата на Европските културни наследства. (Preventive Approaches to the Conservation of European Cultural Heritage – PROTECH 2024), финансиран од програмата INTERREG EUROPE 2021–2027. Во реализацијата на проектот покрај Центарот за развој на Источен плански регион – Штип, учествуваат уште 8 партнери од 7 држави. Водечки партнер е General Directorate of Cultural Heritage. Regional Ministry of Culture, Tourism and Sport. Regional Government of Castilla y León од Шпанија, додека останатите партнери се:

Stad Antwerpen од Белгија,
Eesti Sõjamuuseum – Kindral Laidoneri Muuseum (Estonian War Museum – General Laidoner Museum) – Естонија;
Langhe Monferrato e Roero Società Consortile a r.l. Agenzia di Sviluppo del territorio (Langhe Monferrato and Roero Development Agency) – Италија;
Institutul Național pentru Cercetare și Formare Culturală (National Institute for Cultural Research and Training) – Романија;
Közép-Dunántúli Regionális Innovációs Ügynökség Nonprofit Kft. (Central Transdanubian Regional Innovation Agency) – Унгарија;
Fundación Santa María la Real del Patrimonio Histórico (Saint Mary the Royal Foundation of Historic Heritage) – Шпанија; и
Kultuuriministeerium (Ministry of Culture) – Естонија.

Главната цел на проектот е размена на искуства и добри практики во областа на социјалните и технолошките иновации меѓу партнерите со цел подобрување на усвојувањето и користењето на политиките за управување со наследството, со цел ревидирање на различните инструменти, како и идентификување на нови проекти и услуги.

Специфичните цели се да се искористат достигнувањата во однос на социјалните иновации, новите технологии, управувањето со податоци и вештачката интелигенција, така што управувањето со наследството може да стане поефикасно, поинклузивно и поотпорно. Од среднорочна перспектива, целта е да се придонесе за зачувување на европското материјално и нематеријално наследство за идните генерации.

Во периодот од 13-16. 05.2025 година, претставници од Центарот за развој на Источен плански регион – Штип, учествуваа на почетниот состанок (KICK-OFF MEETING) од проектот PROTECH 2024, во Ваљадолид – Шпанија. Темата на почетниот состанок беше „Sharing experiences and new technologies for the conservation of European cultural heritage“.

За таа цел, Центарот за развој на Источен плански регион (ЦРИПР), изготви презентација со која ја претстави Република Северна Македонија, Источниот плански регион и ЦРИПР, како и стратешките документи, организационата поставеност, реализирани проекти и идни планови кои се поврзани со овој проект.

На состанокот се разговараше за начинот на реализација на проектот.

Настанот „Четрсе“ кој што претставува нематеријално културно наследство влезено на листата на UNESCO е дел од апликацијата и истиот ќе биде посетен и претставен пред партнерите во проектот. Согласно апликацијата за истиот како и за останатите културни наследства од Источниот плански регион, а се на листите на Министерството за култура и UNESCO ќе се изработи промотивно видео и останати промотивни материјали.