Во периодот од 4 до 5 јуни 2026 година во градот Acqui Terme, Италија, се одржа третиот партнерски состанок и вториот хибриден семинар и работилница за градење капацитети во рамките на проектот PROTECH 2024 – Preventive appROaches To the conservation of Europe’s Cultural Heritage.
Настанот беше организиран од LAMORO Development Agency и Општина Acqui Terme, а главната тема беше:
„Preventive Risk Management for Cultural Heritage: Piedmontese Perspectives for Heritage Protection across Europe“.
Цели на настанот
Главните цели на состанокот беа:
- Размена на искуства и добри практики во областа на превентивното управување со ризици за културното наследство.
- Презентација на современи пристапи за заштита и конзервација на културното наследство.
- Зајакнување на капацитетите на партнерите преку стручни предавања и студиски посети.
- Разгледување на напредокот на проектот и планирање на следните активности.
Првиот ден започна со регистрација на учесниците и официјално отворање на настанот, при што беа презентирани целите и тековните активности на проектот PROTECH 2024.
Во текот на работилницата беа презентирани повеќе теми поврзани со:
- Конзервација и реставрација на културни добра преку интердисциплинарен пристап.
- Превентивни конзерваторски протоколи развиени во рамките на европски проекти.
- Примена на нови технологии за планирана конзервација и превентивно одржување на споменици и јавни културни добра.
- Археолошки локалитети и нивна пристапност за јавноста.
- Улогата на цивилната заштита во зачувувањето на културното наследство за време на кризни и вонредни ситуации.
По завршувањето на работниот дел се одржа Управен комитет на проектот (Steering Committee Meeting), на кој партнерите дискутираа за досегашните резултати, тековните активности и следните проектни задачи.
Во попладневните часови беше организирана студиска посета на Археолошкиот музеј во Acqui Terme, како и свечено отворање на „Wide Area Museum Network“, иницијатива насочена кон подобра поврзаност и промоција на музејските институции во регионот.
Денот заврши со заедничка вечера за вмрежување и неформална размена на искуства меѓу партнерите.
Вториот ден беше посветен на теренски активности и студиски посети.
Учесниците посетија повеќе значајни културно-историски локалитети во регионот на Acqui Terme, меѓу кои:
- Abbey of Santa Giustina во Sezzadio;
- Музејот на сакрална уметност „Paola Benzo Dapino“ во Cassine;
- Црквата San Francesco;
- Историскиот центар на Cassine;
- Парохиската црква (Pieve) во Montechiaro d’Acqui;
- Историското јадро на Acqui Terme.
За време на посетите беа презентирани локални практики за управување, заштита и промоција на културното наследство, како и примери за интегрирање на наследството во локалниот туристички и економски развој.
Во попладневните часови беше организирана дополнителна тура низ Acqui Terme, по што следеше официјалното отворање на манифестацијата „Roman Acqui Terme 2026“, која преку историски реконструкции го претставува римското наследство на градот.
Заклучоци
Настанот овозможи значајна размена на знаења и искуства меѓу партнерите од различни европски земји во областа на заштитата на културното наследство.
Особено корисни беа презентациите за:
- превентивно управување со ризици;
- примена на иновативни технологии во конзервацијата;
- координацијата помеѓу институциите за културно наследство и службите за цивилна заштита;
- практичните примери од регионот Пиемонт.
Студиските посети придонесоа за подобро разбирање на локалните модели за зачувување и промоција на културното наследство и создадоа можности за понатамошна соработка меѓу партнерските организации.
Учество на овој состанок придонесе за унапредување на знаењата и капацитетите поврзани со превентивната заштита на културното наследство и за понатамошна успешна имплементација на проектот PROTECH 2024.
#protech_eu #PROTECH2024 #CulturalHeritage #HeritageProtection #PreventiveConservation #InternationalCooperation #EUProjects
