Центарот за развој на Источен плански регион во периодот од 06 – 07 ноември 2025 година во Хотел Изгрев Штип, организираше дводневна обука за зајакнување на капацитетите за развој на зелената инфраструктура, за претставници од општините во состав на Источниот плански регион и од Општина Гоце Делчев, Р. Бугарија, во рамки на проект: “Трансформирање на урбаните делови со зелена инфраструктура” EcoScape BGMK0300060, финансиски подржан од Програмата за прекугранична соработка Интеррег-ИПА Бугарија-Северна Македонија INTERREG VI-A IPA 2021-2027.
Програмата за спроведување на обуките освен размена на искуства и најдобри практики во областа на зелена инфраструктура, вклучува и нови иновативни пристапи, модерна опрема и практики за воспоставување на зелена инфраструктура во прекуграничниот регион.
На првата обука детално беа објаснати основите на зелената инфраструктура и принципите и мерките за зелена транзиција и учесниците имаа можност да се запознаат со придобивките од воведувањето на зелена инфраструктура, како eден соодветен начин за одржливо решавање на дел од комуналните проблеми, начини и можности за создавање на зелени површини во урбаните средини и методи за правилно планирање на идниот развој на градовите и останати помали населени места во прекуграничниот регион.
Преку работа во групи се идентификуваа повеќе мерки за воведување на зелена инфраструктура и зелена транзиција на градовите.
На обуката учество зедоа околу 30 претставници од Источниот плански регион и од Општина Гоце Делчев.
Во периодот од 03-04 декември 2025 година се планира да се одржи втората дводневна обука во рамки на активноста 1.4. зајакнување на капацитетите за развој на зелената инфраструктура.
