Во рамките на проектот „Поддршка на имплементацијата на регионалните системи за управување со отпад во Источниот и Североисточниот плански регион“, успешно се одржаа јавните расправи по Нацрт-извештајот за стратегиска оцена на животната средина (СОЖС).
Јавните расправи се одржаа на следните локации и термини:
Општина Кочани (Мултикултурен центар – Кочани) – 20.10.2026 година
Општина Делчево (Спомен-дом АСНОМ) – 21.10.2026 година
На настаните земаа учество претставници од институциите, локалната самоуправа, експертски тимови и заинтересирани граѓани. Програмата се одвиваше по следниов редослед:
Настаните беа официјално отворени со воведни обраќања од претставници на Министерството за животна средина и просторно планирање (МЖСПП) и претставник на Меѓуопштинскиот одбор за управување со отпад во Источниот плански регион.
Презентација и резиме на клучните цели на Регионалниот план за управување со отпад беа изложени од страна на Елени Иеремиади (раководител на проектниот тим и експерт за СОЖС – онлајн) и Филип Иванов (експерт за управување со отпад).
Детална презентација на Нацрт-извештајот за стратегиска оцена на животната средина одржаа Елени Иеремиади.
Во рамките на последниот дел од расправите, присутни учесници поставуваа прашања, дадоа свои коментари, сугестии и предлози во насока на подобрување на конечните документи.
Благодарение на активното учество на сите присутни, јавните расправи придонесоа кон транспарентност и вклучување на јавноста во процесите на регионално управување со отпад и заштита на животната средина.
