Skip to content

Потпишан Договор за заедничка реализација на проект „Геопарк Лесново“

ДАТУМ

октомври 23, 2018

Категории

Центарот за развој на Источен плански регион продолжува со спроведување на активности поддржани од Програмата за зачувување на природата во Македонија. Програмата за зачувување на природата во Македонија е проект на Швајцарската агенција за развој и соработка кој веќе 6-та година се спроведува во Источниот плански регион.

На 22 октомври 2018 година во просториите на општина Пробиштип се потпиша Договор за спроведување на инцијативата за номинација на Геопарк Лесново за член на Глобалната мрежа на геопаркови на УНЕСКО.

Договорот беше потпишан помеѓу Центарот за развој на Источен плански регион, како стратешки партнер, Фармахем, како национален координатор на Програмата, и општините Пробиштип и Кратово во чии територии влегува подрачјето на идниот Геопарк Лесново.

Во периодот кој следува ќе се врши избор на експерти кои што ќе го истражат подрачјето на двете општини и ќе ги определат точните граници на геопарк Лесново. Понатаму, ќе се формира и раководно тело кое во иднина ќе управува и ќе го развива Геопарк Лесново, за што е потребна поддршка од општините во избор на квалитетни и квалификувани лица. Истовремено, ќе се реализираат и дополнителни содржини кои што ќе придонесат кон зголемување на вредноста на подрачјето.

Споделeте:

Share on email
Email
Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp
Share on telegram
Telegram

No comment yet, add your voice below!


Add a Comment

Вашата адреса за е-пошта нема да биде објавена. Задолжителните полиња се означени со *

I accept the Privacy Policy